Un tradafirlu creasti la firida mea

Un trandafilu creashti la firida mea
Tsi'sh apleacã frundzãli lishoru ,
Lungã'nj pari calea pãn la vruta mea
Shi'nj si pari cã va'nj moru di doru ,
Lungã'nj pari calea pãn la vruta mea
Shi'nj si pari cã va'nj moru di doru

Mi'anghisam anda eram doji deadunu
Nu dzãtseamu cã va nj dispãrtsam,
Puji tutsã anvãrliga di noi cãntau
Lilicili tuti s'diskideau ,
Puji tutsã anvãrliga di noi cãntau
Lilicili tuti s'diskideau.

Anda mi'sculai dit somnu vruta
Ni puj , ni lilici nu erau,
Ni tini lãngã mini vrutã nu erai
Lãhtãrsitu dit somnu mi'sculai ,
Ni tini lãngã mini vrutã nu erai
Lãhtãrsitu dit somnu mi'sculai.

Stau la masã, unã carti ca sã scriu
Ca sã scriu io vrutã a meu doru ,
Ca sã scriu io vrutã tora a meu doru
Le le le lilicea pãdurilor ,
Ca sã scriu io vrutã tora a meu doru
Le le le lilicea pãdurilor .

Un trandafilu creashti la firida mea
Tsi'sh apleacã frundzãli lishoru ,
Lungã'nj pari calea pãn la vruta mea
Shi'nj si pari cã va'nj moru di doru ,
Lungã'nj pari calea pãn la vruta mea
Shi'nj si pari cã va'nj moru di doru